These days my money don
dey do anyhow
My money just dey act
funny
I don’t mean anyhow funny
I am talking strange,
kolo, Kasala funny
This time money don waka
far leave me
I no get
E go go, e go come back
Then e go waka far leave
me sharp sharp the way e come
Money don bone my side
Just dey treat me like
poorman
Wetin I do you my
sherikoko
All I ever did was to love
you
Maybe your love don shack
me too much
Because now e be like say
we no be padi again
Before before we be 5 and
6
You be my body hug
But these days money just
dey take me do comedy
And e don tey when I see
money last
Now money dey make me
jealous
Hanging out with other
guys
Always in some other
bobo’s pocket
Money make I tell you
something…
These guys just dey use
you
Them dey use you like
Maga!
She no dey hear me
Anytime wen I call or
flash am,
she no dey gree call me
back
she no dey show for my
house like before
She no dey gree follow me
go Cinema again
She no dey even follow go
chop again
And you know a brother
can’t eat without money
Money I dey miss you die
I want you
Come back
I need you make I no go pai
Without you my heart go
cut fiam!
Wetin I wan take replace
you money
I don try now
Money why you just dey
show yourself
I remember when we use to
club at the hottest places
Deuces, 11:45, Bachus,
rumours, page
All the expensive
restaurants
Jades place, golden gate, KFC,
Mama Cass
And all the best shops for
Galleria, palms and for Ikoyi
We been dey kampe….I
looked good with money
I treated you right
I never abused you
Did I?
Abi?
Money shey I do you anyhow
You wey be say you dey
jaburata around
Now you come show me how
the feeling
go be as you know dey
around me
people still dey think say
we dey kampe o
but make all the aprokos
mind their business
so I just dey tell them
say….you know…
me and money we know dey lovy
lovy like before
ah! My money just dey do
yagayaga these days
the other day I see her
for the palms for island
she just bone my side
she jaw me like say I no
dey for her setting
ever since money don
commot leave me
e be like say I don dey
loose my other padi’s sef
ATM, Master card, token, Western
union…
Dem sef don begin show
theirself
E be like say she don dey
lie give them
Hmmmmm…
I no know wetin I do ooo
My money just dey do
yagayaga anyhow
I don’t know her anymore
And my life no be the same
No go ever be the same
Till money go enter my life
again
I take God beg you…
If you see her
Or any of her cousin or family
member
Helep me tell her say…
I miss her
I love her die
And I want make she come
house!
